Agar tumhare pass ajj 0 Rs. Hai , Business ka koi experience nahi hai , aur tumhhe duniya-dari ki zyada knowledge bhi nahi – kya tum businessman ban sakte ho ?
answer hai Haan,
Lekin businessman banne ke liye sabse pehle tumhe business idea nahi chahiye.
Tumhe sabse pehle business ko samajhna padega.
Ajj se hum ek aisi Journey start kar rahe hain jisme hum business ke baare mein sirf baatein nahi karenge. Hum step by step ye samjhenge ki:
– Paisa Kaise banta hai,
– Business Kaise kaam karta hai ,
– Customer Kyun Paisa deta hai
– Profit kaise Banta hai
– Supplier Aur Customer Kaise Manage hote hain,
– Sales Kaise hoti hai
– Employees Kaise Manage Hote Hain,
– Business ko Kaise scale Kiya jata hai
– Aur eventually ek ordinary Business ko ek valuable Company mein Kaise convert karte hai .
1. Sabse Pehle Ek Galatfahmi Door karte Hain
jab log “businessman” word Sunte hai , Toh Unke Mind Mein Aksar Kuch Images Aati Hain ,
– Bada Office
– Expensive Car
– Suit Pehna Hua aadmi
– Bahut Saare Employees
– core Rupaye ka turnover
– Factory
– Shop
– Laptop / desktop par kaam karta Enterpreneur
lekin Inmein se koi bhi cheez businessman hone ki definition nahi hai.
Ek Businessman ke pass :
– Office Ho sakta hai ya nahi,
– Employees ho sakte hain ya nahi,
– Shop ho Sakti hai ya Nahi hain,
– Factory ho sakti hai ya nahi,
– Lakhon Rupaye Ho Sakte hai ya sirf Kuch hazaar,
Businessmana ki real identity Uski Problem-solving Aur value-creation ability se aati hai.
Simple Language mein :
“ Businessman Who Person hai Jo kisi Customer Ki problem, Need ya Desire Ko identify karke uske liye value create karta hai aur uss value ke badle paise earn karta hai. “
Ye Definition Bahut Important hai.
Isko Yaad bhi rakhne ki Zarurat nahi hai.
Aage ke 365-day journey mein hum isko baar-baar practical examples se samjhenge.
2. Business ka Basic Formula
Business Ko samajhne ka sabse simple formula hai :
Problem —— Solution —— Value —— Customer —— Money
Example Samjho..
Maan lo Ek Construction company ko har mahine safety helmets chahiye.
Company ke pass employees hai , lekin uske pass helmets manufacture karne ka system nahi hai .
yahan ek problem hai :
“Humein Realiable supplier ke safety helmets chahiye “
Ek Supplier Atta hai
woh :
– Helmets source karta hai,
– Quality check karta hai ,
– Quantity arrange karta hia,
– Delivery Karta hai,
– invoice deta hai.
Company Supplier Ko payment Karti hai.
Supplier ka business yahan create hua.
Dhyan Do :
Supllier ne sirf helmet nahi becha hai.
Usne company Ki procurement problem solve ki.
Isi wajah se Customer usko paise dene ke liye ready hua.
3.Customer Tumhe Paise Kyun deta hai ?
Ye business ki sabse important Questions mein se ek hai :
“ Customer Mujhe Paise kyun Dega ?”
customer tumhe isiliye paise nahi deta kyuki tumhe paisa chahiye.
Customer tumhe isliye paise deta kyuki:
usko tumhari value chahiye.
For example :
Barber
customer ke baal badh gaye.
Barber haircut karta hai.
Customer payment karta hai.
Restaurant
customer ko Food chahiye.
Restaurant Food Provide Karta hai.
Customer Payment Karta hai.
Transporter
customer Ko food chahiye.
Restaurant Food Provide karta hai.
Customer payment karta hai.
Software company
company ko accounting mange karni hai,
software solution provide karta hai ,
company subscription pay karti hai.
Consultant
Business Owner Ko Kisi Problem ka solution chahiye.
Consultant knowledge aur expertise provide karta hai.
Business owner fee pay karta hai.
Business ke har model ke peeche fundamentally value exchange hota hai.
4. Business Ka Matlab Sirf Product becha nahi hai
ye bhi ek common misconception hai.
Business mein Tum:
– Product sell kar Sakte ho,
– Service sell kar sakte ho ,
– information Sell Kar sakte ho ,
– convenience sell kar sakte ho ,
– access sell kar sakte ho ,
– Distribution Provide kar sakte ho ,
– Expertise sell kar sakte ho ,
– Entertainment Provide Kar sakte ho,
– Time Save kar sakte ho,
– Risk Reduce kar Sakte Ho.
Examples:
Ek Logistics Company Sirf Truck Nahi bech rahi.
Wo customer ka :
” Goods Ko safely aur time par destination tak pahuchane”
ka Problem solve kar rahi hai.
Ek accountant Sirf excel Sheet nahi Bana raha hai
wo business owner ka:
” Financial Records Properly Maintain karne “
ka problem solve kar raha hai.
Ek food delivery Company sirf food transport nahi kar rahi.
Wo customer ka:
“Restaurant tak jaaye bina food conveniently ghar par paane”
ka Problem solve kar rahi hai.
Isiliye enterpreneur ki nazar product par nahi, problem par hoti hai.
5. Businessman Aur Enterpreneur mein kya difference hai ?
ab ek important distinction.
Har entrepreneur Businessman ho sakta hai, aur har businessman enterpreneur ho sakta hai — But dono words exactly same nahi hain.
Businessman
Businessman ka primary focus ho sakta hai :
Ek Existing business ko successfully operate karna aur profitably chalana.
Example :
Tum ek Wholesale Business Start karte ho.
Tum :
– Products kharidte ho,
– Customers Ko sell Karte ho,
– Margin Earn Karte ho ,
– Suppliers Manage karte ho ,
– Employees Manage karte ho ,
– cash flow Manage karte ho.
Tum businessman ho.
Enterpreneur
Enterpreneur Ka focus generally kuch naya create, build , solve ya scale karne par hota hai.
Wo:
– new opportunity Identify kar sakta hai,
– new business model create kar sakte hai ,
– system Build kar Sakte hai,
– Risk le sakta hai ,
– Business Ko rapidly scale kar sakkta hai.
Lekin world mein ye boundaries fixed nahi hain>
ek successful enterpreneur ko businessman ki practical skills bhi anni cahhiye.
Aur ek businessman entrepreneurial thinking develop karke enterpreneur ban sakta hai.
Hamari journey ka goal dono qualities develop karna hai.
6. Businessman ka sabse important Asset kya hai ?
kya paisa ?
Nahi.
Kya Office ?
Nahi.
Kya Contacts ?
Useful hain, Lekin Nahi.
Kya degree ?
Zaroori nahi.
Sabse Important Asset hai:
DECISION – MAKING ABILITY
BUSNESSMAN KO CONTINUOUSLY DESCISIONS LENE PADTE HAI.
FOR EXAMPLE:
– KAUNSA PRODUCT SELL KARNA HAI ?
– CUSTOMER KAUN HOGA ?
– SUPPLIER KAUN HOGA ?
– KITNA STOCK RAKHNA HAI ?
– KITNE PRICE PAR SELL KARNA HAI ?
– CREDIT DENA HAI YA NAHI ?
– EMPLOYEE HIRE KARNA HAI YA NAHI ?
– LOAN LENA HAI YA NAHI ?
– EXPANSION KARNA HAI YA NAHI ?
HAR DECISION MEIN INFORMATION INCOMPLETE HO SAKTI HAI.
ISI WAJAH SE BUSINESSMAN BANNA SIRF KNOWLEDGE COLLECT KARNA NAHI HAI HAI .
BUSINESSMAN BANNA = UNCERTAINITY ME BHI BETTER DECISIONS LENA SEEKHNA.
7. Businessman Ki Real Life hoti hai ?
social media par businessman ki glamourous image deekhayi jati hai.
Reality mein businessman ki life unglamourous hoti hai usse bahut saare wo kaam karne padte hai jo social media wale glamourous image ke bilkul viprit hoti hai.
Ek businessman ko
– Supplier ko call karna padta hai
– Rate negoniate karna padta hai
– Customer ka complaint solve karna padta hai
– Outstanding collect karna padta hai
– Inventory count karni padti hai
– Employee ki problem solve karni padti hai
– Qoutation Bannan padta hai
– Invoice check karna padta hai
– cashflow calculate karna padta hai
– Losss ka Reason samjhana padta hai
aur sabse important :
“ Kabhi kabhi ek businessman ko khud sabse pehle kam pe nikalna padta aur sabse late ghar pahuchna padta hai. “
Isiliye entrepreneurship ko sirf:
”apna boss banna”
samjhana sabse badi galti hogi.
Starting me entrepreneurship ko matlab aksar hota hai:
”sabse jyada responsibility lena.”
8. Employee aur businessman me basic difference
Employee aur businessman me koi hierachy nahi hai.
Dono valuable roles hain.
Difference primarily resposibility aur risk structure ka hai.
Employee = time/skill + work —- Salary
iss model par employee work karta hai.
Company revenue aur costs manage karti hai.
Employees ko defined roles ke liye compensation milta hai.
Business owner :
capital /skill/network/ execution/——business——revenue——costs——profit and loss
handle karta hai.
Agar business profit mein hai toh business owner profit earn kar sakta hai ,
aur agar business loss mein hai toh owner ko loss bear karna pad sakta hai.
Isi wajaha se business me risk aur responsibility jyada ho sakte hai.
9. “Mere pass paise nahi” – kya main business nahi kar sakta ?
ye questions bahut beginners ke dimag me hota hai .
answer:
capital important hai, lakin har business ko large scale se shuru karna jaruri nahi hai.
Business model alag alag hote hain.
Kuch business :
– high capital demand karte hai,
– kuch medium capital karte hai,
– toh kuch low capital karte hai,
– aur kuch primarily skill, time aur sales ability pe shuru ho jate h.
example :
agar tumhare pass 0RS. Hai toh, tum turant factory start nahi kar ssakte ho,
lekin tum :
– Service provide kar sakte ho
– Commission based work kar sakte ho
– lead generation kar sakte ho
– Brokerage kar sakte ho
– freelancing kar sakte ho
– Sales based work kar sakte ho.
Isiliye hum humari journey mein pehle ye seekhenge :
”available resources se value kaise create karte hain ? “
Phir :
” Phir uss value ko income me kaise convert karte hai “
Phir :
”Income ko Capital me kaise convert karte ?”
aur eventually :
” Capital ko business aur assets mein kaise deploy kare .“
- Businessman ko kaun kaun se skills ane chahiye ?
businessman ko har skills me master hone ki zarrurat nahi hai ,
lekin kuch core skills ki understanding bahut important hai.
1. Sales – customer ko value samjhana aur deal close karna. - Negotiation – customer aur supplier ke sath better terms negotiate karna.
3. Finance – Revenue, cost,profit,cash flow aur capital ko samjhana. - Marketing – Potential customer tak pahuchna.
5.Operations – Actual work ko smoothlly operate karna
6.Procurement – Right supplier se right price par right quality lena.
7.People Management – Employees Aur Team Ko manage karna
8.Decision Making – Incomplete information mein decisions lena.
9. Communication – customer, employees,suppliers,partners,aur investors se effectively communicate kar pana.
10.Startegy – Business Ko Long term Direction Dena.
Good Newz ye hai
” Ye skills By – birth nahi milti , Inhe seekhna padta hai”
Jiske liye practice bahut important hai.
11. Businessman Banne ke liye MBA zarrori Hai ?
Nahi.
MBA usefull ho sakta hai.
Business Education useful hai.
Mentors Usefull hai.
Books useful hai.
Lekin Businessman banne ke degree important nahi hai.
Real business understanding develop karne ke liye tumhe concepts ke sath :
observation + practice + mistakes + feedback + execution
Zarurat hoti hai.
Isi Reason iss learning journey mein sirf theory nahi hogi.
Aage chal karke hum :
– Scripts,
– Calculations,
– Templates,
– CAse Studies,
– simulations
– Assignments
– Matrket research
– Sales excercises
– negotiation excercises
bhi use karenge.
12. Ek business Kon businessman ki nazar se kaise dekhe ?
Ajj se jab bhi tum koi business dekho , sirf ye mat sochna:
“ye kya bech raha hai?”
instead ye Questions Puchna Start karo:
Question 1 : Customer Kaun hai ?
Question 2 : Customer Ki Problem Kya hai ?
Question 3 : Business uss Problem ko kasie solve karta hai ?
Question 4 : Customer business ko paise kis form mein deta hai ?
Question 5 : Business ko product/service provide karne mein kitni cost aati hai ?
Question 6 : Revenue aur cost ke beech kitna margin bachta hai ?
Question 7 : Customer Business tak kaise pahuchta hai ?
Question 8 : Business Customer Ko Retain Kaise karta hai ?
Question 9 : Supplier Kaun Hai ?
Question 10 : Business Scale Kaise ho sakta hai ?
13. Ek Simple Example : Chai Ki Tapri
Maan lo tum ek chai ki dukan dekhte ho
normal insan kya sochega ?
” yeha chai 10 RS. Ki milti hai”
Businessman Kya dekhaega ?
who sochega :
Customer : studentss, workers , drivers, shopkeepers
Need : affordable + quick beverage
Product : Tea + SNacks
Revenue : No. Of Cups x Seliing price
Costs : tea , milk , Sugar ,gaps ,Cups , rent,labour
Margin : Selling Price – variable cost
Location : Footfall Important
Competition : Nearby Tea Stalls
Repeat Business : Taste + Speed + Cleanliness + Conveince
Working Capital : Daily raw Material Purchase
14. Businessman Banne ki Journey Ka actual Goal Kya hai?
Hamari Journey ka objective yeh nahi ki tumhe 100 business ideas ka pata chal jaye.
Balki Hum yeh seekhenge :
– Customer Kaise laa sakte hai
– Price kaise calculate karenge
– Supplier se negotiate kaise kare
– Cash Flow Manage kaise kare
– Employee Hire kaise kare
– Business risk ko kaise samjhe
Hume yeh Sari Capability apne andar develop karni hogi.
So humara objective hoga :
Idea collector — Problem solver — Seller — Operator — Business Owner — Enterpreneur
yeh Progression Bahut Important hai.
15. Final Assignment :
Question
- Business kya sell karta hai?
2. Customer kaun hai?
3. Customer ki problem/need kya hai?
4. Business paisa kaise kamata hai?
5. Major costs kya hongi?
6. Customer business tak kaise aata hai?
7. Competition kaun hai?
8. Business ko bada kaise kiya ja sakta hai?
Apne Aas Pass ke Businessess ko dekhkarke observe karo aur answer Do . ( observe : chai stall, kirana store, mobile shop, medical shop, transport company etc. Jo bhi business dikhe )
